ඉස්සෝ මසාලා රයිස්

රසම රස බත් එකක්. කාලෙකින් වෙනසකට දෙයක් හැදුවේ නැති අය‍ට නම් මේක නියම රෙසිපියක්. අපි බලමු කොහොමද හදන්නේ කියලා.

අවශ්‍ය ද්‍රව්‍ය 

*හාල් කප් 2කින් උයාගත් බාස්මති බත්
*නැට්ට හිටින්න පිට පලලා සුද්ද කරගත් ඉස්සෝ 250g
*චොප් කරගත්තු ළුණු ගෙඩියක්
*චොප් කරගත් අමුමිරිස් කරලක්
*චොප් කරගත් තක්කාලි
*තලාගත් ඉගුරු සුදුළුනු මේස හැන්දක්
*යෝගට් පුරවලා මේස හැන්දක්
*හීනියට ලියාගත් කොත්තමල්ලි කොළ හැන්දක්
*ගරම් මසාලා තේ හැන්දක්
*මිරිස් කුඩු රහ අනුව
*කහ චුට්ටක්
*සුදුරු, අබ ස්වල්පයක්
*බේ ලිව්ස් ටිකක්
*ගී මේස හැඳි 3ක් 

සාදන ආකාරය 

ගී ටික රත්වෙන්න තියලා ඒකට ළුණු ,සුදුළුනු ටික දාලා තෙම්පරාදු කරගන්න.
*ළුණු ටික විනිවිද පෙනෙන ගානට ආවාම අබ,සුදුරු,ගරම් මසාලා,මිරිස්,කහ,ලුනු දාලා කලවම් කරන් ඉස්සෝ ටික එකතු කරගන්න.
*ඉස්සෝ ටික පාට වෙනස්වෙනකම් කවලම් කර තෙම්පරාදු කරගන්න. ගින්දර සාමාන්‍ය ගානට තබා ගන්න.
*ඒකටම බේ ලිෆ්,තක්කාලි,අමුමිරිස් එක්ක යෝගට් දාගෙන කවලම් කරන වතුර මේස හැඳි දෙකක් දාලා අඩු ගින්දරේ ටික වෙලාවක් උතුරව ගන්න. දැන් ගින්දර පොඩ්ඩක් වැඩිකරගන්න.
*උතුරනකොට කොත්තමල්ලි කොළ ටික එකතුකරලා උයාගත් බත් ටික එකටම එකතු කරලා හොදට මික්ස් කරගන්න. 
* තෙත ගතිය යන්තම් තියෙද්දී ලිප නිවාගන්න. 

පිලවු රයිස්

ඔන්න දැන් රස මිහිරෙන් කියල දෙන්න හදන්නේ පිලවු රයිස් කියන රයිස් වර්ගය හදන්නේ කොහොමද කියලා.මොකක් කිවුවා?පිලවු රයිස්...!!! ඔව් ඔව් පිලවු රයිස් තමයි.නම අහලා වත් නැති උනාට කමක් නෑ.සාමාන්‍ය රයිස් එකක් වගේම තමයි ටිකක් වෙනස්.පොඩ්ඩක් බලන්නකෝ හන්න්දේ කොහොමද කියලා එහෙනම්

අවශ්‍ය දේවල් 

බාස්මති සහල් 750g
ගිතෙල් මේස හැඳි 5-6
තලාගත් කරදමුංගු(එනසාල් )ඇට 4-5
කරාබු නැටි 3-4
කුරුඳු පොතු කැබැල්ලක්
ගම්මිරිස් අට 7-8
අබ ඇට තේ හැඳි 1/2
චොප් කරගත් ළුණු ගෙඩි 4
හොඳින් තලා ගත ඉඟුරු තේ හැඳි 1/2
ලුනු (රස අනුව)
උණු වතුර (බත ඉදීමට අවශ්‍ය ප්‍රමාණයට)
කහ කුඩු  තේ හැඳි 3/4
බාගෙට තම්බා  ගත්  ග්‍රීන් පීස් 350g
වියළි මිඳී 100g
බැදගත් කජු 100g

සාදාගන්නා ආකාරය 

*මුලින්ම සහල් සෝදා පිරිසිඳු කර වතුර පෙරා ගන්න.
*පසුව සුදුසු භාජනයක් ලිප තබා එයට ගිතෙල් දමා රත් වෙන විට කරාබු නැටි,කරදමුංගු,කුරුඳු පොතු,ගම්මිරිස් සහ අබ අට එක කරන්න.
*දැන් එයට ඉඟුරු සහ ළුනු එක්කර මඳක් බැදෙන්න හරින්න.
*පසුව ග්‍රීන් පීස් සහ වියලි මිදී එක්කර මඳක් තෙම්පරාදු කරගන්න.
*ඉන්පසු සහල්ද එක්කර විනාඩි කිහිපයක් තෙම්පරාදු කරගන්න.
*දැන් කහ කුඩු සහ රස අනුව ලුනු අවශ්‍ය ප්‍රමාණයට දමා කළවම් කරගෙන බත පිස ගැනීමට අවශ්‍ය ප්‍රමාණයට වතුර එක්කර පිස ගන්න.
*අවසානයේදී උඩින් බැදගත් කජු ඉස උනුවෙන්ම පිළිගන්වන්න.

කුකුල් මස් රසම රසට පදම් කරගන්න පුළුවන් ක්‍රමයක්

මොකක්ද මේ marinade එකක් කියන්නේ..?හරිම සිංහලෙන් කියනවනම් මේකට කියන සිංහල නම තමයි "පදම් මුසුව" පදම් මුසුව යන්නෙන් අදහස් කරන්නේ අපි උයන්න කලින් මස් තුනපහ අතගාල තියෙනවනේ,අන්න ඒ වගේම මස් ටිකක් රොස්ට් කරගන්න,බේක් කරගන්න මස් වල තවරගන්න මිශ්‍රණයක් ඕනිනේ. අන්න ඒ සඳහා මේ marinade භාවිතා කල හැකියි.ඉතින් ඒ මිශ්‍රණයෙන් මස් ටික පදම් කරගන්නේ කොහොමද කියලයි අපි දැන් කියල දෙන්න හදන්නේ...

 අවශ්‍ය ද්‍රව්‍ය 

*ඔලිව් තෙල් කෝප්ප 1/2

*ලුනු තේ හැඳි 1

*ගම්මිරිස් තේ හැඳි 1/2

*සුදුරු කුඩු තේ හැඳි 1/2

*මිරිස් කුඩු තේ හැඳි 3/4

*චුටියට කපපු සුදුළුනු ගෙඩි 2

*චුටියට කපපු ළුණු මේස හැඳි 3

*චුටියට කපපු නැවුම් පාසලි කෝප්ප 1/2

*බියර් කෝප්ප 1 1/2

සාදන ක්‍රමය 

*මුලින්ම ඉඩකඩ තිබෙන භාජනයකට ඔලිව් තෙල් ටික දාගන්න.

*ඊට පස්සේ ලුනු,ගම්මිරිස්,සුදුරු,මිරිස් කුඩු එකට කලවම් කරගෙන අර ඔලිව් තෙල් එකට ගෙන මිශ්‍ර කරගන්න.

*දැන් මේ මිශ්‍රණයට සුදුළුනු ,ළුණු සහ පාසලි එකතු කරලා ගරුප්පුවක ආධාරයෙන් හොඳට කලවම් කරගන්න.

*ඊට පස්සේ මේ මිශ්‍රණයට බොහොම හෙමින් වැඩි කලබලයක් නැතුව බියර් ටික රෙකතු කර ගන්න ඕනේ.මොකද බියර් නිසා මේ මිශ්‍රණයේ පෙන සහ බුබුළු දාන්න ගන්න නිසා,පෙන ටිකයි,බුබුළු ටිකයි බැහැල ගියාම තව ටිකක් කලවම් කරගන්න.

ඔන්න අපි marinade එක හදලා ඉවරයි.දැන් අපි බලමු කොහොමද මේක පාවිච්චි කරන්නේ කියලා

මේ මරිනෙඩ් එකට ගොඩක්ම ගැලපෙන්නේ කුකුල් මස් කිවුවනේ.හරි දැන් ඔයාලට කරන්න තියෙන්නේ මැරිනෙඩ් කරන්න ඕනි කුකුල් මස් ටික අරගෙන තරමක ලොකු සිප්ටොප් බෑග්  එකක දාලා මේ හදාගත්ත මිශ්‍රණය ඒකට වත් කරගන්න එක. ඊට පස්සේ බෑග් එක හොඳට සීල් කරලා කීප වතාවක් එහෙ මෙහෙ කරවලා මැරිනෙඩ් එක හොඳින් කුකුල් මස් වල තවර ගන්න.

දැන් මේ පයක් හෝ රෑ එළිවෙනකන් හෝ ශීතකරණයේ දමා තබන්න.මතක ඇතුව විඩෙන් විඩ මේ බෑග් එක එහෙ මෙහෙ කරන්න මේ මැරිනෙඩ් එක මස් වල හොඳින් තැවරෙන්න.ඊට පස්සේ ඔබට පුළුවන් මේ කුකුල් මස් එක ඔයාල හදන්න හිටිය කෑම එක හදාගන්න යොදාගන්නට.     

.

ටිකක් වෙනස් විදිහට බිත්තර වලින් ඔම්ලට් එකක් හදමු

අවශ්‍ය ද්‍රව්‍ය 

*සිහින්ව පෙති කපා ගත් අල ගෙඩි 2ක්.
* බිත්තර 4ක්
*රස අනුව ලුනු සහ ගම්මිරිස් .
*අට ඉවත් කරලා පොඩියට කපාගත් තක්කාලි ගෙඩියක්
*සිහින්ව කපාගත් ළුණු කොළ ටිකක්
*සිහින්ව පෙති කපාගත් ළුණු ගෙඩියක්
*තෙල් මේස හැඳි 4ක්

සාදන ආකාරය 

*තෙල් ටික රත් වෙන්න හැර අල පෙති ඒ මතින් තබා ලුණු සහ ගම්මිරිස් ඉස අල රන්වන් පැහැ වනතුරු දෙපැත්තම බැදගන්න.
*අල බැදුණු පසු එයට ළුණු එක්කර ළුණු ටිකත් රන්වන් පැහැ වනතුරු අඩු ගින්දරේ බැදගන්න.
*බිත්තර වලට රස අනුව ලුනු සහ ගම්මිරිස් එක්කර බීට් කරගෙන එය පෑන් එක මත ඇති අල සහ ළුණු මිශ්‍රණයට එක් කරගන්න.
*එයට උඩින් තක්කාලි සහ ළුණු කොළ ටික දමා ගන්න.
*ඔම්ලට් එකේ යට කොටස පිසුණු පසු ප්‍රවේසමෙන් අනිත් පැත්ත හරවා දෙපැත්තම පුළුස්සා ගන්න.

නිවිති,අඹ,කෙසෙල් දමා කොළ පාට සමුදී එකක්

ඔන්න අපේ රස මිහිරට එක්වෙන ,නිතරම කෑම වේල මගහැරෙන අයට ගොඩක් වටිනා තවත් බීම වර්ගයක් හදන විදිහ තමයි දැන් කියලා දෙන්න යන්නේ.එහෙම කිවුවේ මොකද මේක විනාඩි 5කින් වගේ සුටුස් ගාලා හදාගන්න පුළුවන් බීමක් හින්දා වගේම සීනී,ඒ වගේම කිසිම කෘතීම රසකාරකයක් භාවිතා නොකරන නිසා මේක 100% ක්ම පෝෂ්‍යදායි පානයකි. අපි දැන් බලමු මෙය සකසා ගන්නා ආකාරය.

අවශ්‍ය ද්‍රව්‍ය

ලෙල්ල ඉවත් කර පෙති කපාගත්  ඉදුණු කෙසෙල් ගෙඩි 1ක් 

ලෙල්ල ඉවත් කර කොටු කපාගත් ඉදුණු අඹ ගෙඩි 1ක් 

ලපටි නිවිති කොළ කෝප්ප 1ක් 

කිරි කෝප්ප 1ක් 

අයිස් කට කෝප්පයක් 

සාදාගන්නා ආකාරය 

හදන්න නම් හරිම ලෙසියි.කරන්න තියෙන එකම දේ තමයි ඉහත අවශ්‍ය කරන ද්‍රව්‍ය යටතේ තිබුණු දේවල් ටික බ්ලෙන්ඩර් එකට දාගෙන විනාඩි 2ක් විතර ක්‍රීම් වගේ මිශ්‍රණයක් එනකන්  බ්ලෙන්ඩ් කරගන්න එක.

ඊට පස්සේ විදුරු දෙකකට මිශ්‍රණය වෙන් කරගෙන පිළිගන්වන්න තමයි තියෙන්නේ.

ක්‍රීම් චීස් සහ මිශ්‍ර පළතුරු බටර් කේක්

පළතුරු කෑලි හැපෙන රසම රස බටර් කේක් එකක් හදමු.

අවශ්‍ය ද්‍රව්‍ය

*බටර් 125g
*ක්‍රීම් චීස් 125g
*සීනි 185g
*බිත්තර 3
*පාන්පිටි 200g
*බේකින් පවුඩර් තේ හැඳි 1
*කජු 75g
*වියලි මිදී 50g
*පලතුරු කැබලි 50g
*වියලි චෙරි 50g

සාදාගන්නා ආකාරය

*මුලින්ම පාන්පිටි එක්ක බේකින් පවුඩර් කලවම් කරන් පෙනේරෙකින් හොදට දෙතුන් පාරක් හලාගන්න.
*පස්සේ භාජනයකට බටර්, ක්‍රීම් චීස් හා සීනි දා ගෙන හොදට බිට් කරන්න.
*දැන් එක සැරයකට 1 බිත්තරය ගානේ එකතු කරන් හොඳට බීට් කරන්න.
*ඊට පස්සේ පලතුරු ටික පොඩි කෑලි වලට කපලා එකටම කලින් හලා ගත්ත පාන් පිටි වලින් පොඩ්ඩක් දාලා පලතුරු වල පිටි දැවටෙන විදිහට හොඳට කලවම් කර ගන්න ඕනේ.
*ඊළගට කලින් බීට් කර ගත්ත මිශ්‍රණයට පිටි ටික එක්ක පලතුර්ය් ටික දාලා හඬකින් පෙරලමින් පිටි කැටි හිටින්නේ නැති වෙන්න කලවම් කරන්න.
*අන්තිමට බටර් ගා ගෙන පිටි ටිකක් ඉහ ගත්ත කේක් ටින් එකකට මිශ්‍රණය දා ගෙන කලින් සෙල්සියස් අංශක 175 උෂ්ණත්වයට රත් කර ගත අවන් එකක විනාඩි 45ක් පමණ බේක්  කර ගන්න.
*ඉන්පසුව නිවෙන්න හැරලා රස බලන්න තමයි තියෙන්නේ.

හාට් කුකීස්

ඔන්න දැන් කියලා දෙන්න යන්නේ ලස්සනම ලස්සන බිස්කට් වර්ගයක් හදාගන්න විදිහ.හාට් එකක හැඩයට මේ බිස්කට් එක හදන හින්දා හාට් කුකීස් කියලා තමයි මේවට කියන්නේ..බලන්නකෝ එහෙනම්.

අවශ්‍ය ද්‍රව්‍ය 

පාන් පිටි කප් 2
බේකින් පවුඩර්  තේ හැඳි 1/2
ලුනු ස්වල්පයක්
බටර් කප්  1/2 (120g ) කාමර උෂ්ණත්වයේ පැවතිය යුතුය
සීනි කප්  1(200g )
ලොකු බිත්තර 1
වැනිලා තේ හැඳි 1
කලරින් රෝස පාට හෝ කැමති පටකින් අවශ්‍ය පැහැයට අනුව හදාගන්න.

සාදාගන්නා ආකාරය 

*මුලින්ම භාජනයකට පාන් පිටි ටිකයි,බේකින් පවුඩර් ටිකයි,ලුණු ටිකයි දාලා කලවම් කරගන්න.
*දැන් වෙනත් භාජනයක් අරන් බටර් එක්ක සීනි දා ගෙන විනාඩි 3-4ක් විතර සාමාන්‍ය වේගයෙන් සැහැල්ලු මිශ්‍රණයක් ලැබෙනකන් බීට් කරන්න.
*පස්සේ එකටම බිත්තරයි,වනිලයි දාලා ටිකක් බීට් කරගන්න.
*ඊට පස්සේ බීටෙර් එකේ වේගය අඩු කරලා පාන් පිටි මිශ්‍රණය දා ගෙන කලවම් වෙනකන් බීට් කරන්න.(ඕනෙවට වඩා  බීට් කරන්න යන්න එපා මිශ්‍රණය කලවම් උනාම ඇති)
*දැන් කලරින් බින්දුව ගානේ සැරින් සැරේ දාන ගමන් මිශ්‍රණය අතින් අනා ගන්න.
*පස්සේ මිශ්‍රණය එක ගුලියට හදාගෙන පොලිතින් එකකින් හොඳින් ඔතලා ආවරණය කරගෙන පය 1 1/2ක් විතර ශීතකරණයේ තියාගන්න.
*දැන් මිශ්‍රණය අඟල් 1/4වගේ ඝනකම හිටින විදිහට කුකී කටාර් එකකින් හාට් හැඩ කපාගන්න.
*ඊට පස්සේ තෙල් කඩදාසියක් දා ගත්තු බේකින් තැටියක් අරගෙන ඒ උඩින් කපා ගත්ත කුකීස් ටික ඒවා අතර ඉඩ තියෙන විදිහට තියාගන්න.
*දැන් බේකින් තැටියත් එක්කම ඒ උඩ තියෙන කුකීස් ටික අධි ශීතකරණයට දා ගෙන විනාඩි 15ක් විතර තියාගෙන එලියට අරගන්න.
*අන්තිමට කලින් සෙල්සියස් අංශක 160 උෂ්ණත්වයට රත් කරගත්ත අවන් එකක් විනාඩි 8-10ක් විතර යන්තමින් රන්වන් පාට වෙනකන් බේක් කරගෙන නිවෙන්න තබන්න.